Azərbaycan milli komandası XXXI Yay Olimpiya Oyunlarında daha bir medal qazanıb.

100 kq çəki dərəcəsində mübarizə aparan cüdoçumuz Elmar Qasımov finala qədər bütün rəqiblərini məğlub edib. Həlledici görüşdə 2014-cü ilin dünya və Avropa çempionu, çexiyalı Lukas Krpalekə uduzan idmançımız XXXI Yay Olimpiya Oyunlarını gümüş medalla başa vurub. Bu, Rio Olimpiadasında idmançılarımızın qazandığı ikinci medaldır.

Rio-de-Janeyroda ölkəmizi layiqincə təmsil edən Elmar Qasımovu təbrik edir, ona gələcək yarışlarda uğurlar arzulayırıq!