Oktyabrın 14-də Argentinanın paytaxtı Buenos-Ayresdə Beynəlxalq Basketbol Federasiyasının (FİBA) baş katibi, Beynəlxalq Olimpiya Komitəsinin üzvü Patrik Baumann qəfil ürəkkeçməsindən vəfat etdi.

2002-ci ildən FİBA-nın baş katibi vəzifəsində çalışan Patrik Baumann son 16 ildə dünyada basketbolun inkişafına böyük töhfə vermişdir.

Azərbaycan Basketbol Federasiyasının Rəyasət Heyəti ölkə basketbol ictimaiəti adından Beynəlxalq Basketbol Federasiyasının rəhbərliyinə, mərhumun ailəsinə dərin hüznlə başsağlığı verir. Allah rəhmət eləsin!