Xəbər verdiyimiz kimi Gırğızıstanın paytaxtı Bişkekdə "Qələbə Kuboku 2016" beynəlxalq basketbol turniri keçirildi.

Bu yarışda iştirak edən U16 milli yığmamız üç qələbə və iki məğlubiyyətlə turniri başa vurdu.

Ümumiyyətlə Samit Nuruzadənin yetirmələri turnir boyu əzmkar oyun sərgiləyərək yadda qaldılar. Belə ki, may ayının 5-də keçirilən son qarşılaşmada onların turnirin qalibi BK "Kaspiy" (Aktau) komandasını 16 xal fərqi ilə 78:61 (29-7; 16-14; 10-24; 23-16) məğlub etməsi gənc basketbolçularımızın daha yüksək zirvələri fəth etməyə qadir olduğlarını bir daha sübut etdi.