Millimiz ikinci oldu

 13.02.2017 - 15:51    296
  • 13 Fev 2017
  • 15:51
  •  296

Xəbər verdiyimiz kimi, oğlanlardan ibarət U16 milli yığma komandamız İran İslam Respublikasının Sarab şəhərində keçirilən beynəlxalq basketbol turnirində iştirak etmişdir.

Dairəvi sistemlə 5 gün ərzində davam edən yarışa millimizdən başqa 5 komanda qatılmışdı: U18 İran milli yığması, İraqın Suleymaniyyə şəhərinin komandası, Şərqi Azərbaycan Təbriz, Takestan və Sarab komandaları (İran).

İlk oyunda minimal hesabla İran millisinə məğlub olan millimiz (65:75) qalan dörd qarşılaşmada rəqiblərini inamla üstələdi.

U16 Azərbaycan - Şərqi Azərbaycan Təbriz, 66:39

Takestan - U16 Azərbaycan, 55:65

U16 Azərbaycan - Sarab, 86:67 

U16 Azərbaycan - Suleymaniyyə İraq, 75:44

Yekunda komandamız İran yığmasıyla eyni xal toplayaraq şəxsi qarşılaşmada rəqibinə uduzduğuna görə turnirin gümüş medallarını qazandı.

Sarabda əldə edilən uğurlu nəticəyə görə gənc basketbolçularımızı ürəkdən təbrik edirik!

IMG_0084small

IMG_0082small

BEYNƏLXALQ YARIŞLAR