Xəbər verdiyimiz kimi, Makedoniyanın Skopya şəhərində U18 yaş qrupunda Avropa birinciliyi ("B" Divizionu) keçirildi.

Komandamız qrup mərhələsindən sonra 3 görüş keçirdi. Rumıniya üzərində çətin qələbədən sonra (62:61) Samit Nuruzadənin yetirmələri ev sahibi Makedoniya yığmasına 50:65 hesabı ilə uduzdu.

Dünən isə çempionatın sonuncu qarşılaşmasında millimiz Lüksemburq komandasını üstələyə bilməyərək (53:57) Avropa Çempionatında 20-ci yerlə kifayətləndi.